بدات الندوة باعطاء د.محمود هدية لمنة وهى عبارة عن كتاب عن الماس فسألت منة مندهشة : عن سبب الهدية فرد د.محمود انه لو حب يعمل رحلة لسقارة فده بيحتاج ان حد يشوف التذاكر ويسأل ويحجز  لحد ما يوصل لأفضل مكان وحجز وده بيحتاج مشاركة وتعاون وتفاعل ودى ميزة موجودة عند منه بشدة
فاحضرت امينة كتاب كانت اخذته هدية من د.محمود ليكتب لها اهداء ايضا فكتب لها د.محمود الاهداء
وسأل مين مبيحبش الحرية ؟
فقالت رقية انا بحب امارس الحرية بس بحدود فسأل د.محمود حدود زى ايه .. فردت مريم : زى العادات والتقاليد وقالت وفاء ان الحرية بتختلف من شخص لاخر يعنى الانسان فى السجن نظرته عن الحرية مختلفة عن الانسان بره السجن
بالظبط كدة ..(رد د.محمود) وكمل ان ده معناه ان الحرية بتتوقف على حدود الاختيارات المتاحة لينا والفرق ده بيبان اكتر بين المجتمعات فمثلا البنت فى المجتمع الشرقى مش من حقها تتأخر او تعرف حد خارج نطاق العيلة بالرغم ان ده من الحريات الشخصية الا ان المجتمعات بتتدخل فى حريات الفرد الشخصية. ومثال اخر لو واحد بيحب الكشرى بالشطة فيسمع : ازاى دى الشطة بتتعب المعدة والقولون و(مينفعش) تاكلها ..بالرغم ان دى حرية شخصية واكيد هو عارف اضرارها
الا ان طبيعة هذه المجتمعات تكبت حريات افرادها
فمثلا شخص يريد ان يسافر من اسوان للاسكندرية سيرا ليعيش تجربة ان يقابل ناس مختلفة واماكن مختلفة وتضاف له خبرات جديدة ولكن اذا قاله حد انت ليه تسافر مشى اركب مواصلات اسهل قد يتقيد بهذا الرأى وتبطل الخبرات والتجربة التى كان سيتعلمها وهذا حدث عند التدخل فى حريته الشخصية
فسأل د.محمود ياترى الحرية حق ولا واجب؟
فأتفق معظم الموجودين انها حق
فقال د.محمود ان كل حق ممكن التنازل عنه او التمسك به ولكن الواجب مفروض عليك فعله عشان كدة الحرية واجب اكثر منها حق فلكى تكون حر يجب أن تمارس هذة الحرية فإختياراتك فى الحياة من تعلم ومصادفة وسفر هى التى تكون الشخصية وهى مبنية على حريتك فى اختيارها.
لذلك يتغيير الشخص مع الوقت ومع الاختيارات ..ومن هنا بيظهر تأثير الحرية عند مقارنة المجتمعات فان المجتمعات التى ليست بها تقدم فهى تحجم وتضع مساحات وتبدأ فى تضيقها من خلال الحدود التى تضعها لهم.
فنيلسون مانديلا تم حبسة لمدة 27عام فكانت أفكارة حرة وتم مساومتة على هذه الافكار حتى يتم الافراج عنه ولكنه لم يتنازل فبالرغم من سجنه الا انه خرج منه أكثر حرية.
والحرية بتكون محدوده عند إستخدامها بالحكم على الآشياء وإنتقاد الاخرين وعند استخدامها بطريقة الخروج من القيود فقط…وهى أصح عند استخدامها فى أفكار جديدة وابداعية.
ويجب إزالة القيود من حول التفكير أفضل من قيود أخرى مادية والحرية مثل الاكل والكلام يجب لاستخدامها التمرن عليها.
فمثلا اذا كنت لاأستطيع التفكير بطريقة منظمة واعطيت الحرية فلن اتمكن من استخدامها. ولكن تكون هذه الحرية مثمرة عندما يكون لها بعد أهم من خلال اختيارات سليمة فى الحياة.
قال د.محمود ان الدراسة هتبدأ بعد اسبوع فايه احساسكم وانتم داخلين مرحلة دراسية جديدة للى هينقل من اعداى لثانوى او من ثانوى لجامعة فقال أحد الحاضرين انه داخل ثانوى وانة خايف من المواد الصعبة لكنه مش متصور ايه ممكن يكون الاختلاف فى التعامل مع الاشخاص
وفاء في ثانوي وقالت انه احساس أكبر بالمسئولية وانك كبرت شوية
وطه داخل جامعة فساله د.محمود اية احساسك وانت داخل جامعة ؟ إية تصورك عن عالم الجامعة ؟ فقال ان الناس بتكون كونت أفكارها وبعضهم نوعيات متزمتة واخرى منفتحة فبدخل على عالم مقسم نفسه وده بيدينى نوع كبير من المسئولية
فساله د.محمود وده مش موجود فى ثانوى ؟ طه قال انه موجود لكن الجامعة بتدى حرية لظهور الاراء والتعبير عنها عكس ثانوى
فسألته رقية : انت ازاى هتتعامل مع الناس فى الجامهة
فرد انه هيدى رأى من غير ما يفرض نفسه
ثم انتقل الحديث عن مسلسلات رمضان وعن اشهر تتر وهو تتر مسلسل السبع وصايا وانها كلمات صوفى ممكن تتغنى فى الموالد
فسأل د.محمود حد راح مولد وايه كان شعوره؟
الهام قالت: انا رحت مولد فى الارياف وكنت طول الوقت مندهشة وشفت التنورة والنشان وكان ظاهر ان الناس اللى عاملة المولد من الغجر من خلال كلامهم واسلوبهم
وقال مصطفى : انا روحت مولد المرسى ابو العباس وشفت الناس اللى بتقول ذكر وهى بتطوح
وطلبت امينة ان ا.احمد صبرى يقول كلمة عشان مسمعناش صوته فى الندوة
فأعتذر لأن صوته رايح شوية وقال : بما ان الندوة انهاردة عن الحرية فاعتقد ان اكتر شئ يقدر يقف ادام الانسان ويمنعه من معرفة حاجة جديدة هو الخوف فالخوف ضد الحرية واكثر معوق ليها ومينفعش نخاف من حاجة ونكون عنها فكرة مسبقة بدون تجريبها
وقال د. محمود من منطلق الحرية لماذا لا يمكننا أن نمارس مواهبنا بمنتهى الحرية
فضحك الحاضرين وهنا انتقلنا للفقرة الفنية
مصطفى تركى قال شعر من تأليف صاحبه
واحمد فكرى غنى صدقنى , وسالت كل المجروحين
وامينة غنت اهو ده اللى صار لسيد درويش
وانتهت الندوة بالحديث عن سيد درويش واننا بنغنى اغانيه لأكتر من قرن وان الفنان اللى بيقدر يوصل لأكتر حاجة بتمس الناس وتعبر عنهم هو اللى فنه بيدوم حتى بعد قرن

.

. اعداد :نعمات خالد

ت