(((((أنا حاسس \..ـة  بحيرة كبيرة , بابا وماما منفصلين وأنا حتة منى مع بابا وحتة تانية مع ماما أنا بحبهم الإتنين , لكن كل واحد فيهم بيقول إنه مش ممكن يقدر يرجع للتانى

بصراحة انا مش ناوى\..ـة إنى أتجوز لما أكبر علشان معملش كدة مع ولادى أنا عارف\..ـة إن مفيش أمل بس أنا كنت عاوز\..ـة أفضفض )))))

,

,

من فترة جاتلى الرسالة دى لما قلنا اللى حابب يتكلم فى مشكلة مضايقاه من غير ما نعرف هو مين ممكن يكتبها فى ورقة واحنا نناقشها مع بعض

يا ترى حد متصور أد إيه ممكن المشاكل والخلافات بين الأب والأم تأثر على الأبناء

(أنا أعرف حد أمه وأبوه انفصلوا وعاش لوحده وكان بياخد مبلغ من الإتنين وبدأ يطور نفسه وينمى من نفسه واعتمد على نفسه وبقى حاجة كبيرة ) عقبت الهام

(أحمد فكرى لكن ده بيختلف بإختلاف المجتمع يعنى هو ساعتها بيتعامل مع المجتمع مش مع الاب والام وممكن يكون المجتمع ده سئ فالشخص ده بيصبح سئ)

( وليد : اكيد اللوم مش على الاب والام لأن الشخص اللى عايش لوحده لما بينجح فى شئ بينسب النجاح لنفسه ويقول أنا نجحت برغم انهم مش معايا ولما بيفشل بينسب الفشل ليهم ويقول انا فشلت عشان هما مش معايا )

(د.محمود : من المؤكد ان كل انسان بيمر بمشاكل مختلفة ممكن تكون مادية او صحية لكن الشئ المهم جدا اللى بيفتقده الأنسان لما ابويه بينفصلوا فكرة الحنان والإحتواء فكرة

السند وان حد ممكن يديه نصيحة ويرجعلو بيفتقد للشئ اللى بيظلل عليه)

(دى مشكلة وحصلت خلاص ليه منفكرش اننا نتجنبها من دلوقتى … عارفين ازاى … نقدر نتجنب المشكلات دى لما نختار صح ونبنى اسرة سليمة يعنى اختيار شريك الحياة على اسس صح يا ترى ايه المواصفات اللى كل واحد فيكم يحب يشوفها فى شريك او شريكة حياتهم )

(أمينة : أهم حاجة ان يكون فى تفاهم بينهم)

(الهام : اهم حاجة يكون فى تعاون بينهم وميكونش فرق السن كبير يعنى من 3 ل 6 سنين كويس)

(وليد : احب انها تكون مخلصة وانا تكون نفسها يعنى متمثلش شخصية مش بتاعتها واهم شئ الثقة والاحترام)

(مدام منى : انا من رائى ان اذا المجتمع مش موافق على حاجة فأنا معملش الحاجة دى )

(د.محمود : من رايى ان اهم حاجة اننا منبصش على الشكل الخارجى يعنى طريقة اللبس والحجاب ممكن الواحد يكون شكلة محترم لكن هو من جواه مش كويس وممكن العكس احنا لازم نهتم بالجوهر الداخلى اكثر وان يكون فى حب وتسامح عشان نفوت لبعض من غير ما نشيل)

..

وانتهت الندوة بفقرة المواهب غنى احمد محسن المحكمة  وانشاد دينى

وغنت امينة واحمد فكرى لام كلثوم

ومصطفى تركى قال شعر