يوم مع عائشة بمكتبة الكرامة رجعت من المدرسة تشتكي لنا الشنطة تقيلة ووراها واجب وتسميع لبكرة فى المدرسة واتفقت معانا تطلع البيت تغير هدومها وتتغدى وتنزل واستنيناها وبعد شوية نزلت ومعاها الواجب واتفقنا ان مفيش نشاطات ولا اي حاجة غير لما نعمل الواجب كله الأول وقعدت وطلعت الكراريس والمقلمة بتاعتها وعملت الواجب كله
وبعدين طلعنا كراسات الخط العربي لتحسين الخط والتنسيق لنتمرن على كتابة جملة”تعلم فى طفولتك لتعيش سعيداً فى مستقبلك”…….وتمرنت على كتابتها عدة مرات
وبعد ذلك طلبت مننا ترسم على برنامج الرسام فى الكمبيوتر لوحدها وعلمناها المبادىء رسم دائرة وتلوينها والاشكال الهندسية الموجودة بالبرنامج ولما حاولت تلونها معرفتش ولما سألتها مبتلونيش ليه ؟؟ قالت لى أصل القلم فضي 😀
