ندوات الشنوانى
………………………………………………………………
بدأ د.محمود ندوة مفتوحة ساءلا : تحبوا الندوة تكون عن ايه ؟
ماجد : نتكلم عن تربية الأطفال يا دكتور
د.محمود : احنا بنتعامل مع الاطفال بإسلوب اعطاء الأوامر والعقاب … يا ترى ايه الفرق بين طفل اتربى كدة وطفل اتربى على الإعتماد على نفسه
الهام : الطفل اللى بيعتمد على نفسه بيقدر يواجه المجتمع لكن الطفل اللى اتربى على العقاب بيكون ضعيف ومعندوش ثقة كافية يواجه المجتمع … بس المشكلة ان جيل الأطفال وجيلنا مبيفهموش بعض
د.محمود موضحا : ياترى جيل اتربى على البراح والوسع هيبقى زى جيل اتربى على الكمبيوتر والانترنت
الهام : احنا بنشوف ان اغانيهم وافلامهم هبل
د.محمود : طبيعى يبقى فى اختلاف لأن الأطفال لو لبسو لبسنا زمان واحنا اطفال … او احنا زمان لبسنا لبسهم دلوقتى المجتمع هيتريق علينا اذا طول الوقت فكرنا انهم غلط وانهم معووجين هنخسر علاقتنا بيهم
امينة : طب المفروض يا دكتور نتعامل ازاى مع الاطفال ونفهمهم ؟
د.محمود : مممم تربية الأطفال مجال مفتوح وفى طرق محتلفة ومتعددة لتربية الأطفال ومن ضمن الطرق دى اللى اتعاملت مع معلميها بطريق مباشر (نظام المونتسورى )
فى نظام مونتسورى بيسيبوا الأطفال فى أماكن مفتوحةوبيغموا اعينهم وبيسيبوهم يتعرفوا على الطبيعة حواليهم وينموا حواسهم
والمعلمين عندهم القدرة على توصيل المعلومات والافكار بطريقة سلسة تجذب الطفل
لازم المعلم يكون عنده ايقاع كويس للكلمات ووضوح ليها مع ضبط حدة الصوت وهو بيكلم الطفل والتركيز على العيون
فبرنامج المونتيسوري بيهدف انه يبنى شخص بالغ كفء ومقتدر. ومن ضمن رؤيته أن المكافأة والعقاب هي مجرد وسائل ، أما التطور والتعليم الشخصي فهي دوافع كافية. ومن هنا فهو بيجذب الأطفال من خلال الوهم أو الخيال،ولا بأستخدام الألوان البراقة أو الحيل، إنه يرى أن هذه الأمور يمكن أن تعزل الأطفال عن واقعهم، وقد رأت مونتيسوري الطبيبة الإيطالية أن مخيلة الأطفال بتتطور من خلال التجربة الحقيقية، والتعمق في المعرفة وحرية الفرد في استخدام عقله
ومهج مونتيسوري بيتقسم لمرحلتن
منهاج المرحلة ما قبل الابتدائية :
(مهارات الحياة اليومية – التمارين الحسية – الرياضيات – اللغة – المواد الثقافية الجغرافيا المحسوسة – التاريخ -الطبخ والتغذية – الفنون والأشغال اليدوية – – الموسيقى والحركة الخلاقة – العلوم والطبيعة )
منهاج المرحلة الابتدائية :
الأهداف التعليمية العامة لبرنامج مونتيسوري للمرحلة الابتدائية :
(اللغة – اللغات الأجنبية – الرياضيات – الهندسة – الدراسات الاجتماعية و العلوم – منهاج العلاقات الإنسانية – الفنون والأشغال اليدوية – الموسيقى – الرياضة )
سألت امينة : طب وهو طفل اتربى بطريقة زى كدة مش هيواجه مشاكل انه ممكن ميعرفش يتعامل مع اطفال اتربوا غلط او بطريقة عشوائية
د.محمود : تفتكرى يا أمينة طفل اتربى بطريقة سليمة هيكون بالسذاجة انه ميعرفش يتعامل صح او يضحك عليه اكيد هو الانسان السوى الاكثر قدرة انه يصلح ويأثر فى المجتمع
وانتهت الندوة بغناء امينة لأم كلثوم