المدارس قربت وعشان نحتفل احنا والأولاد بقرب المدارس
ونربطها فى ذهنهم بالاشياء الجميلة والسعيدة قررنا نعمل مهرجان الألوان
لمدة شهر كامل هيكون فى يوم من كل اسبوع فى احتفال والالوان ببهجتها
هتبقى جزء اساسي منه …..

ابتدينا الاسبوع ده بحفلة الرسم على الوجه الاشكال والرسومات الجميلة
اللى الاطفال بيحبوها وبيحبوا يتقمصوا شخصياتها ولو لساعات .
واللى ساعدنا فى ده وفضل واقف على رجليه لمدة خمس ساعات او اكتر
يرسم معانا للاطفال باعدادهم الكبيرة وحشودهم اللى فضلت تهل طوال اليوم دفعات ورا دفعات كانوا هما فنانات المكتبة اللى اتربوا فيها من ساعة افتتاحها وصقلوا فيها موهبتهم ودلوقتى بيقوموا بدور فعال فيها .