ايه رأيكم في الناس اللي بتبقى  ماسكة التاب والسمارت فون ومركزين فيهم اوي حتى ان كانو ضمن مجموعة من الناس بيبقوا منعزلين تماما وفي دراسات بتقول ان بسبب الأجهزة دي عمر الإنسان هيقل لحد 30% من الطبيعي

يا ترى التواصل البشري في العالم الإفتراضي ده بيكون حقيقي ؟

فقال أ.عبده : اللغة المكتوبة أو المطبوعة بتوصل 30% من الأحاسيس ولكن عندما يجتمع الأشخاص في مكان فيكون التواصل بينهم عن طريق تعابير الوجه ولغة الجسد بينما اللغة الإلكترونية بتخلينا نتخيل ردود افعال واشكال أشخاص لا توجد سوى في خيالنا .

فعلق مصطفى : زي مذيعين الراديو بنتخيل شكلهم وبيطلع حاجة تانية .

فسال أ.أحمد : يا تري ممكن نعيش احساس بالسعادة ملوش اي علاقة بالواقع اللي حوالينا , وده شئ كويس

فرد مصطفى : مش مهم حقيقة الواقع لكن المهم الإحساس اللي بنحسه .

فعلقت م.الهام : انا في الشتاء بحس اني في بلاد برا .

ا.احمد : وده بيبقى احساس حقيقي ؟

مصطفى : الواحد ممكن يصدق أي شيء طالما اقنع نفسه بيه حتى الاحساس .

أ.أحمد : وممكن صنع عالم خيالي ونفتكره واقع زي السينما ال 9D فيها مؤثرات حركية وروائح مما يجعل المشاهد يشعر ان كل ما يحدث حقيقي وانه داخل هذا العالم بالفعل لأن عقل الإنسان يسهل خداعه وايهامه عن طريق ايهام الحواس فلا يميز بين الحقيقة والخيال

.