صالح سليم ورحلة كفاح ونجاح إنتهت بالمرض في لندن والإختلاف حول مصداقية المشجعين وتوجيه الكرة سياسيا , منتقل الحديث إلى الأعياد والمناسبات
بدأ طه بإننا نتعرف على بعض ثم منوها عن موضوع الندوة :
– هنتكلم عن صالح سليم (محمد صالح محمد سليم ) إتولد في الدقي إتعرف على البنت اللي حبها في رحلة بالباخرة (زينب) وتزوجها بعد عناء وأثمرت الحياة بولدين هشام\محمود سليم ذهب إلى النمسا وبعدها رجع للإحتراف 1971أصبح مديرا للكرة 1980 سجل 101 هدف في النادي الأهلي الإسماعيلي كسبهم في مباراة واحدة 7 أجوان وله فلمين في السينما الشموع السوداء – والسبع بنات مات 72 سنة بالسرطان في الكبد بعد جلسات كيماوي 6-5-2002 في لندن .
أمينة : “الأهلاوية ماشيين بمبدأ هذا ما وجدنا عليه أباءنا وكتير أهلاوية مش فاهمين حاجة في الكورة ”
هشام :”الكورة هي لعبة سياسية صالح سليم كان خمورجي انور السادات كان أهلاوي وكان الكرة لها علاقة كبيرة بالسياسة في بلاد برة الكرة وسيلة ترفيهية لأن هناك ملتزمين بالحد الأدنى والحد الأقصى أما هنا بيستهلكوا الشباب في النزاع بين الأهلي وغيره وبالنسبالنا بتقوم بالخناق أما لو حاجة علمية مش بيهتموا بيها.”
طه : “ثانيا الموضوع اللي هنتكلم فيه هو عن الأعياد والمناسبات والإحتفالات وأول من أحتفل بالمولد النبوي الإمام السيوطي
سيدنا محمد عاش 63 سنة كان يعيش في مكة من احتفالات المولد النبوي ان في السيدة والحسين من أول ربيع بيبقى في فراشة وتزيين المساجد , اسم سيدنا محمد بالكامل محمد بن عبدالله بن عبدالمطلب بن هاشم بن عبد مناف
سألت امينة :”مين تاه من أهله وهو صغير.”
محمود :”ممكن نتكلم على التكبر ممكن مثلا حد يسلم عليك وانت تتكبر عليه وممكن مدير يتكبر على الموظفين بتوعه.”
مصطفى :”حصلي موقف خوف وأنا في الجيش في العنبر من كتر الفئران قمت من النوم لقيت على صدري فارين وصرخت لقيت العنبر كله مليان فئران نايمة على العساكر اللي جمبي.”
أمينة :”أنا تهت وأنا كبيرة مشيت في وكنت تايهة بقالي خمس ساعات انا وصحابي وبنسأل الناس الحتة دي اسمها إيه قالولنا بطن البقرة وفضلنا نضحك.”
أميرة :”أنا كنت لابسة حلق و في 2 أبتدائي ونازلة أجيب عيش وواحد خدني وأخد مني الحلق وكنت لابسة تيشرت بظعبوت وصمم إني ألبس الظعبوت عشان محدش يعرف إن الحلق إتسرق.”
ميريم :”أنا كنت بخاف من شخصيات كرتونية في عالم سمسم اسمهم هادي وشادي.”
طه :”أبويا حكالي وأنا صغير كنت نايم على السرير ووقعت تحته وفضلت نايم وهما دوروا علي 8 ساعات.”
‫#‏قعدة_وصحبة‬
‫#‏مكتبة_خطوة‬