……………………………………………………
بدأت الندوة بالتحدث عن مارجريت تاتشر وتحدثت نعمات عن أهم المحطات في حياتها شاملة فترة توليها رئاسة الوزراء البريطانية لمدة 21 عام تلات مراحل انتخابية متتالية كما تحدثت عن عدائها الشديد للشيوعية مما جعل الإتحاد السوفييتي يلقبها بالمرأة الحديدية .
كان لها مواقف ايجابية خارجية مثل استرداد بعض الجزر من صراع دام طويلا بين بريطانيا والأرجنتين كما وقعت اتفاقية مع الصين للمحافظة على النظام الرأسمالى للمستعمرة البريطانية هونج كونج في الصين , ولكن من السلبيات الداخلية انها خصخصت قطاع كبير من الدولة مثل شركة الطيران والإتصالات وصناعة النفط والغاز , كما ازداد معدل البطالة والفقر في عهدها وتم رفع الرقابة على الأسعار فأزدادت زيادة فاحشة وانتهى عهدها بثورة الشعب ضدها بسبب فرض الضرائب الباهظة فقرر الحزب المحافظ الذي ساندها طيلة مشوارها السياسي ان يتخلى عنها حتى لا يسقط بسقوطها وهنا استقالت من رئاسة الحزب وبعندها انتهى منصبها لرئاسة الوزارة .
مصطفى :”واضح من الكلام ده إن في تشابه بين عهدها وعهد مبارك كان ممتاز خارجيا وكان فاشل داخليا زاد في عهده الفقر والبطالة وخصخص معظم شركات القطاع العام وانتهى عهده بثورة خلعه الشعب فيها.”
مصطفى محول دفة الحديث :”احنا كان الموضوع اللي اتفقنا عليه ان كل واحد هيختار وزارة يرئسها او يألف وزارة جديدة حابب تكون موجودة فأختاروا
مصطفى : رئيس الوزارة
دنيا : التموين
تقى : التعليم
كريم :العدالة الإجتماعية
فرح : الداخلية
خلود : الإسكان
مريم : التصوير
سارة : السياحة
الهام : البيئة
نعمات : الرقابة
مصطفى :”كلمنا عن الوزارة بتاعتك يا كريم.”
كريم :”لازم نظام العدل يطبق صح من بن المواطن العادي لإبن الوزير ولازم كله يتحاسب بالعدل.”
نعمات :”كرين انت وزير دلوقتي وابنك عمل مشكلة هتحاسبه فعلا.”
كريم صمت مفكرا بعمق :”آه.”
الهام :”انا همسك وزارة البيئة وههتم اني ابعد المصانع عن المناطق العمرانية وهعمل مشروع اعادة تدوير المخلفات.”
تقى :”في وزارة التعليم هبني مدارس في الصحراء عشان ولاد العمال في المصانع اللي هتنقلها وزارة البيئة هناك وهجمع كل المدرسين عشان يهتموا بنفسية الاولاد.”
مصطفى :”بس المدرسين مرتباتهم قليلة اوي ازلى هيدرسوا ويهتموا بالطلاب.”
تقى :”انا هزود مرتبات المدرسين.”
سارة :”لو في مدرس متخلف بيعامل الطلبة وحش لازم تفصليه.”
مصطفى :”لأ احنا نعرضه على دكتور نفسي.”
سارة :”انا همسك وزارة السياحة والسياحة لازم نهتم بيها عشان هي بتدخل العملة الصعبة يعني نزود الإهتمام بالسياح والمكان اللي هيقيموا فيه وتحسين الخدمات.”
نعمات :”انتي بتقولي ان المفروض تهتموا بالسياح طب الطيارة اللي انفجرت قريب كان فيها سياح والمفروض ان الطيارة دي تبع وزارة النقل بس اللي اتضر السياحة ازاي هتحافظي على سلامة السياح في حاجة مش بإيدك.”
سارة :”هخلي يبقي في كشف على كل وسائل النقل اللي هتنقل السياح.”
الهام :”معظم الآثار اللي في المخازن بتتسرق وتتهرب.”
سارة :”هزود عدد المتاحف وهحط فيها الآثار في المخازن.”
مصطفى :”لازم يبقى في مراقبة سرية على المسئولين عن الآثار.”
مريم :”المصورين لازم يكون ليهم مكان خاص بيهم ممكن يبقى قصر والدخول يكون بكاميرا تتعرف على اللي داخل وهيبقى في حجرات في القصر ده فيها كتب وكاميرات ويعمل رحلات للمصورين والدخول بداية من ثانوي وهدخل مادة التصوير في التعليم وهعمل مدرسة تصوير في المرحلة الفنية بعد اعدادي وهيبقى في مسابقات والجوايز بتاعتها كاميرا.”
نعمات :”انا هعمل وزارة جديدة هسميها وزارة الرقابة الوزارة دي هعمل فيها لجان متخصصة لكل وزارة للتفتيش والمراقبة للتأكد من تنفيذ جدوى اي مشروع بتعرضه الوزارات للدولة.”
فرح :”انا همسك وزارة الداخلية واولا المسجون هعامله معاملة انسانية وهتعامل بدقة في تعليم امناء الشرطة وعساكر الأمن المركزي وهحاسب الخارجين على القانون.”
خلود :”هحاوا ان انا اشغل المساحة الخضرا في مصر وهعمل أعادة توزيع للسكان وهعمل فحص لتنظيم الاسرة وهوفرلهم خدمات علشان يعيشوا في الصحرا هوفرلهم مدارس ومصانع.”
دنيا :طفي وزارة التموين مش كل مواطن ليه تموين التموين للي معاه بطاقة بس انا هخلي التموين لكل الناس.”
مصطفى :”انا بقترح اننا نلغي بطاقة التموين ونجيب بطاقة عادية.”
الهام :”ممكن نضيف وزارة جديدة تبقى وزارة اكتفاء ذاتي علشان منستوردش حاجة من برا.”
‫#‏مكتبة_خطوة‬
‫#‏قعدة_وصحبة‬