بدأت #ندوة #قعدة_وصحبة بالحديث عن فنان الساحرة المستديرة محمد ابو تريكا متحدثة عن مشوار حياته و أهم المحطات بها … ثم اشتد الحوار حول ما تعانيه المدارس الحكومية من فساد وعدم وجود نظام وافتقاد أقل مستويات الجودة التي تؤثر على المستوى التعليمي للطلبة .
سأل أحمد فكري : طبعا كلنا عارفين أبو تريكة حد يعرف حاجة عن مشواره الفني ؟
فارس : هو اشتهر في الترسانة والاهلي اشتراه بعد كدة لما بدأ ينجح .
فكري : محمد أبو تريكة لعبه وسط مهاجم او تاني مهاجم ، لقب بصانع الاهداف ، وفي الفيفا شبه بزين الدين زيدان بدا اللعب ناشئين الترسنة حتي اصبح يلعب في النادي الرئيسي لعب في مباريات هامة وحقق بها أهداف مثل كاس العالم للاندية ٢٠٠٦ وخمس بطولات لدوري ابطال افريقيا وهو في نادي الاهلي وفي ٢٠١٤ اخد نادي بطل افريقيا للمرة الخامسة له ، يعتبر واحد من ابرز اللاعبين للكرة في تاريخ افريقيا ، وفي الاسبوع الماضي كان هناك ماتش يضم افضل لاعبين العالم وأخد تريكا ترتيب ١٩ علي العالم بعد الخطيب .
نعمات : ابو تريكة في احد المباريات كان مع توقيت الانتفاضة الفلسطينية التالتة.. كان لابس تيشرت تحت تيشرت النادي مكتوب عليه “تضامنا مع غزة ” وظهره لما جاب جون وده اتسبب في عقابه من النادي وخصم جزء من مستحقاته بس هو مفرقش معاه الفلوس وده بيدل انه شخص محترم عنده مبادئ وقيم نبيلة ويجبر اى حد يحبه ويحترمه .
أحمد : ودلوقتي هنتكلم عن موضوع الندوة وهو المدارس الحكومية .
محمد خالد : المدارس الخاصة بيبقى فيها انضباط والتزام عن المدارس الخاصة .
أحمد : ايه رايك في المدارس الحكومي واللي بيحصل فيها
فارس . هي كل الاخطاء دي سببها مين
مومن : الطالب والادارة كلهم مسئولين عن اللي بيحصل
احمد . في اليابان المدرس بيقول للطلبة نجاحكم من نجاحي من نجاح المدرسة من نجاح الادارة من نجاح اليابان كلها ، لكن في مصر ذاكر انفع نفسك او متنفعش انا هفضل زي ما انا
مامت شروق :التعليم نظام تجارة والطلبة نظام تحصيل درجات واولياء الامور مكبرين دماغهم وادارة المدارس مش مهتمة بالتعليم السليم .
مريم : اللي بيضايقني في المدارس الحكومية ان مفيش نضافة و طريقة التعليم حتي جابولنا سبورات الكترونية والمدرسين مش عارفين يتعاملوا معاها .
منة : اولا المدرسين بيعاملو الطلبة بطريقة سيئة
والطلبة كمان بيتعلموا منهم نفس الطريقة والبنات لازم يتعاملوا مع مدرسات مش مدرسين.
خلود .: لا البنت بسلوكها تقدر تتعامل مع المدرس والمدرسة
شيرين : انا في مدرسة خاصة ، والطلاب مبسوطين واسلوبهم سئ مع المدرسين لان المدرسين بيخافوا من الادارة ان الطلبة يشتكوهم فيموشهم لكن في المدارس الحكومة المدرسين مبيخافوش من حاجة فبيتصرفوا بهمجية وقلة نظام .
ابراهيم : اكتر حاجة غلط ان المدرس كان بيدخل يكتب اسم الدرس واكتبوه عشر مرات وميشرحش ويرجع يقولنا مبتذاكروش ليه طب وهو مشرحش ليه.
يوسف : المدرسين عندنا بيسيبوا الطلبة اللي بياخدوا درس يهزروا ويعملوا اللي عايزينه واحنا يحاسبنا
احمد : في امتحان المدرس خد ورقتي وغشش العيال منها من غير ما يقولي ، وهو اصلا كان مراقب مش مدرس .
يوسف : انا بصاحب المدرسين بيعاملوني كويس لكن لو رازاتهم هيرازوني .
فارس . مش كل المدرسين كويسين ولا كل الطلبة كويسين
زياد : عندنا في الكانتين
بيبيعوا فل وطعمية .
شيرين : وإيه المشكلة ما هو الكانتين عشان ناكل منه .
#مكتبة_خطوة
