مهما اختلفت الاراء حوله لكن كونه حكم مصر 30 عام وثاني اطول مدة بعد محمد علي 48 عام فهذا يطرح لنا بيئة خصبة يمكن فحصها واستخراج سلبيات الحكم وفساده التي حالت حتما كل الايجابيات التي تكاد تنعدم بل التي لم يتم تداركها سوى الان في احوال اسوا مما مضى بكثير … منتقلة الندوة في حوار بسيط وممتع حول الحب وصفات شريك الحياة .
فارس : انهاردة هنتكلم عن الرئيس السابق محمد حسني مبارك هو حكم حوالي ٣٠ سنة
احمد البنا : كان بيشتغل طيار وكان نائب الرئيس السادات وهو مواليد 1935 …
فارس : لا هو مواليد ١٩٢٨ .. ٤ مايو…
احمد فكري : انا عاوز اوضح حاجة هو مطلعش باول طيارة ولا حاجة زي ما بيقولو اول ضربة جوية اللي طلع باول طيارة اخو السادات وده استشهد…
فارس : مبارك اتخرج من الكلية الحربية وحصل علي بكالريوس العلوم1949 واتخرج بعد سنة في الجوية ١٩٥٠ وكان من اشهر الطيارين في العالم واترقي في المناصب لحد ما بقي رئيس جمهورية …
احمد : اغتالو السادات سنة ٧٩ ومبارك مسك ٨١ ….
مريم : مدينة ٦ اكتوبر والعاشر من رمضان اتبنوا في عهده
احمد : كان الدولار ب ٢ جنيه وكان في امان في البلد
فارس : بالظبط الاسعار اتغيرت اوي وزادت اربع اضعاف كان ك العنب ب ٢.٥ ودلوقتي ب 10
احمد فكري : كانت المواصلات رخيصة اوووي …
فارس : في حد بيحب مبارك ويا ترى بنسبة كام…
احمد فكري : ٩٠٪ …
زينب ٥٠٪ …
معتز : ١٠٪ …
نعمات : ٣٠٪ …
يوسف : مبحبوش …..
فارس : طب ايه السلبيات اللي عملها ؟
احمد فكري : سرق فلوس البلد عشان اسرته وكان عاوز يورث الحكم….
احمد البنا: انا شايف انه كان عنده خبرة ٣٠ سنة فلما الاخوان مسكو الحكم كانوا المفروض يستشيرو بيه …
فارس : بسببه دلوقتي امراض سرطانية انتشرت وكلوية بسبب الاطعمة الفاسدة اللي دخلها البلد …
واستطرد فارس : طب حال البلد دي يمشي ازاي؟
احمد فكري : الشعب ده مبيمشيش غير بالكورباك من ايام الفراعنة …فشل مرسي بسبب انه كان بيتعامل بالحب
كريم : لازم نجاح التعليم والصحة عشان البلد حالها يتحسن
فارس : دلوقتي هنتكلم عن الحب مين يكلمنا عن انواع الحب ….
احمد : حبك للاصدقاء حبك للوطن …
فارس : مين اكتر صديق بتحبه ؟…
احمد : بحب البحر …
بدر : بحب ابراهيم …..
كريم : صاحبي عمار ….
نعمات : الكتاب احسن صاحب بصراحة
وتم طرح سؤال عن الحب الرومانسي وايه هي مواصفات فارس الاحلام ؟
وجاوب الاعضاء فاختلفو في الصفات فمنهم من اهتم بالشكل الخارجي ومنهم من اهتم بالطباع الشخصية والداخلية اكثر .
…………………….
‫#‏مكتبة_خطوة‬