في بداية الندوة اتكلمنا عن د.مجدي يعقوب الجراح العالمي الذي عاد ليخدم وطنه ويبدأ رحلة كفاح جديدة دون الاهتمام بسنه الكبير محركه حب الوطن والضمير الانساني.. كما انتقل الحديث عن كيفية التعامل مع الاخرين والتعامل مع السلوكيات المختلفة للبشر وقد اعطى وليد وفاتيح لمساعدة الناس في التعامل مع اسوأ الشخصيات .
يوسف : احنا اتفقنا الندوة اللي فاتت اننا نتكلم عن د.مجدي يعقوب
فارس : د.مجدي اكبر دكتور قلب في العالم
يوسف : د.مجدي كان مدير اكبر مستشفي قلب في لندن وعمل اكتر من 1000 عملية قلب مفتوح
أحمد : انا قريت ان اعلان القلب عمل اكبر مشاهدة في رمضان “ارسم قلب وضحكة ” .. مجدي يعقوب لو كمل في مصر مكنش هينجح النجاح ده كانو هيقفوا اودامه
يوسف : زي احمد زويل
مريم : مجدي يعقوب عدى سن ال 60هو مينفعش يمسك مشرط بس هو مدرب فريق كامل وبيعمل عمليات بيكون هو المشرف كليا فيها
يوسف : دلوقتي هندخل في الموضوع اللي بعده وهو كيفية التعامل مع الاخرين .. حد يحب يقول حاجة
فارس : طب انا ممكن اسالكم سؤال ازاى كل واحد فيكم بيتعامل مع الاخرين؟
مريم : في الانطباع الاول عن الناس ممكن استخدم السوشيال ميديا عشان اعرف بيحبوا ايه او بيكرهوا ايه ومعملوش واعرف اتقربلهم واتعامل معاهم .
احمد :ببدأ بضحك وهزار وده بيكسر اى حدة في البداية بعدين بتعامل .
كريم : اعتقد ان اساس التعامل مع الناس الاحترام وده هيدي ثقة .
ايمان : بتعامل مع الناس بتلقائية وممكن ارمي دبش .
نعمات : بقعد كتير اسمعهم واراقبهم لحد ما اشوف مين الشخصيات اللي شبهي بتقرب منها واللي عكسي في حجات كتير ببعد عنها .
وليد : ممكن اسألكم سؤال .. ايه الحاجة اللي لو حصلت وقفت كلامك وخليتك تخسر الناس ..ممكن اقول مثلا ان حد يقاطعك وانت بتتكلم ..في ايه تاني ؟
فارس : اني اقف اتكلم مع حد يتجاهلني ممكن اسيبه وامشي .
يوسف : ان حد يكون عصبي ويعلي صوته ويزعق .
سعيد : ان اللي قدامي يوجهلي نقد .
ياسمين : ان محدش يهتم بكلامي وميحسش بيا .
كريم : ان حد يحرجني او يعايرني .
احمد : ان حد يتعصب على ويدخل الجد في الهزار .
وليد : هقولكم على اكتر حاجات لو عملناها هتبعد الناس عننا .. الانفعال الزايد , التأثر العاطفي , انك تقاطع حد , انك تكلم وحش من ورا حد , الشخصيات الساخرة .
وليد : طب ايه نوذج الشخصية اللي بتكرها .
ايمان : لمما حد يتكلم واعتزرله وميقبلش اعتذاري ويعاتب ويقسى
نعمات : الشخصيات التافهة والمتباهية .
احمد : اللي بيتمنظر واللي بيتكلم في حاجة مبيفهمش فيها .
يوسف : اللي بيتباهى بنفسه كتير .
ياسمين : المتكبر والاناني
وليد : اتعاملي معاه بالنقطة اللي بتميزك انتى عنه
ايريني : الشخصية المنافقة .
اسماء : المتكبرة .
سارة : المتكبرة برضو .
سهيلة : الشخص الغدار .
فرح : الاناني .
كريم : الشكاك
وليد : ده تتعامل معاه بالادلة وتكون صريح .
منة : المحبطة والانانية
وليد : بصي لحياتك وخرجيها منها
مريم : الشخص العصبي اللي بيخالف القوانين
احمد : الشخص الاناني والفتاي واللي بيشيل الناس همومه .
نعمات : الجبان والغدار والخاين اللي بيضري في الضهر واللي ممكن يبيع مصلحة عامة عشان مصلحته الخاصة .
‫#‏مكتبة_خطوة‬