بدأنا بالحديث عن عبدالحليم متعرفين على نشأته وحياته منتقلين الى حياة الشهرة واغانيه وافلامه المفضلة لنا .. ثم ناقشنا ما الحقد من وجهة نظر كلا منا وكيف نتعامل مع الشخص الحاقد
مريم : هنتكلم عن عبالحليم حافظ بداية ..هو اتولد ٢١ يونيه في محافظة الشرقية واسمه عبدالحليم علي , مثل افلام كتير من واخرها ابي فوق الشجرة وغني اغاني عاطفية كتير .. وكان بيغني اوقات الثورة والحروب .. اتوفي في ٣٠ مارس وكان عمره ٤٧ سنة وكان جنازته فيها مليون شخص في عام ٢٠١١ في ذكري ميلاده كان صورته في محرك البحث جوجل … ايه اكتر فيلم واغنية بنحبها
يوسف : معبودة الجماهير واغنية اسمر يا اسمراني ..
احمد : معبودة الجماهير وبحبها وفيلم ابي فوق الشجرة … مريم : بحب فيلم ايامنا الحلوة واغنية قارئة الفنجان ….
منة : اغنية جبار ..
احمد : اغنية جبار
زينب : مامته ماتت وهي بتولده وبابا مات بعدها بسنة واخته علية واخته اللي ربته …. فارس : هو مات بسبب البلهاريسيا
زينب : اصل اسمه عبدالحليم علي شبانة وحافظ ده كان ملحن في بداية حياته واتسمى بإسمه
مريم : هنتكلم عن الحقد انتم شايفين معني الحقد ايه من وجهة نظركم .. احمد : الحقد هو الغيرة ..
كريم : الحقد ان حد يوصل لمكانة والناس تستخسرها فيه …
سمير : احنا ممكن تبقي كلنا كويسين وبدل ما نحقد نشغل نفسنا وعقلنا ..
احمد وليد : كل انسان معاه حاجة مش مع التاني فلو كل واحد شاف اللي عنده ومش عند غيره هيرضي ومش هيحقد ..
رقيه : اعتقد الحقد اني اشوف حاجة مع حد مش حقه واستكترها عليه ..
نورهان : دايما التفرقة بتولد الحقد وشفت بنت بتحقد علي صاحبتها عشان جابت درجات عالية …
رقية : اتمني بقي انك تبقي زيها بس لازم تفكري انها تعبت عشان توصل لده …
نعمات : الحقد ده بيبقى ضغينة في القلب انك مش حابب الخير لشخص ما مش حابب اي خير ليه بتتمني زوال النعمة من عنده حتى لو مش هتجيلك وده سببه الكره انت لو بتحب حد وعنده خير الدنيا هتتمناله الزيادة مش هتحقد عليه ….
سمير : بالنسبة للحاقد انت تعلم هو الشخص تعب ولا لأ
: مريم : ازاي نتعامل مع الشخص الحاقد ..
نعمات : هو الحل خيالي عشان يبطل يحقد انك تحطه في ظروف ومكانة الشخص اللي بيحصل عليه ..
فارس : تتعامل معاه علي انه مريض ..
يوسف : هحاول اثبتله انه مش احسن مني في حاجة وانه يقدر يوصل للي أنا وقلتله …
احمد : هدعي ربنا يحفظني منه ومش تتعامل معاه …
كريم : هعمل زي احمد …
احمد : انا بحقد ربيتحقد علي بس لما بفكر بشوف اني مش ناقصني حاجة ولو الانسان علاقته كويسة مع ربنا مش هيبص لحد في حاجة هيبقي راضي ..
رقيه : لو اتاكدت ان اللي اودامي بيحقد عليا مش بقوله عالخير اللي عندي وببعد عنه …
نورهان : انا ببعد عن الحد اللي بيقولي علي حاجة حلوة متخدهاش بحس انه عايزها لنفسه …
مريم : انك تحصن نفسك بأذكار الصباح والمساء وهفضل احسن منهم …
منة : هبعد عنه وهقلل كلامي
