روان ماجد” بنت من بنات المكتبة عندها 12 سنة كل كام يوم تيجى المكتبة والاقيها بتقولى مستر يا مستر اقول لها نعم يا روان تقول لى انا عامله استعراض وعاوزه افرجكم عليه اقول لها فرجينا ، روان عملت استعراضات كتير قبل كده فى المكتبة هيا وبنت خالتها نورهان وهما الاتنين مشتركات فى كورال  مكتبة الكرامة طرة واستعراضاتهم السابقة كانت على اغانى الكورال اللى بيحفظوها فى المكتبة  زى اغنية الليلة ثورة لفريق اسكندريلا ويا ابو دبورة وشورت وكاب لرامى عصام انما اخر استعراض عملتهولنا روان واللى منه الصور اللى حضراتكم شايفينها دى كان على اغنية بولوتيكا بتاعت سعاد حسنى ، روان بنوتة موهوبة جدا وبتحب الفن جدا وشايفه ان المكتبة بتقدملها فرصة ذهبية انها بتخليها تعمل اللى نفسها فيه من غنا واستعراض وقراءة ورسم