كتير مننا صغار وكبار ميعرفش حاجة عن تاريخ بلده اللى عايش فيها وبيسمع عنها فى التليفزيون وبس
علشان كده قررنا احنا ادارة مكتبة الكرامة طرة البحث والمعرفة عن تاريخنا بنفسنا
لذلك قررنا ان احنا
نقرا
ونسمع
ونشوف
ونرسم
اى حاجة خاصة بتاريخ مصر القديم ” اللى احنا منعرفش عنه حاجة ”
ومن على ارض الواقع كمان من خلال زيارات فعلية لاماكن سياحية وتاريخية فى مصر ناس كتير زهدتها ومبقتش تفكر تروحها ” واهو من باب تنشيط السياحة برضو ”
علشان كده هنهتم اننا ناخد اطفال الاحياء الشعبية لانهم الجديرين بالاهتمام الاكثرنظرا لكم التهميش اللى تعرضوا له ابناء تلك الطبقات ” ونروح اول رحلة استكشافية مع اطفال مكتبة الكرامة طرة للمتحف المصرى وروحنا فعلا وكان يوم عظيم جدا تعرف الاطفال من خلاله على تاريخ مصر الفرعونى بمصاحبة مرشدة سياحية من المتحف المصرى هى الاستاذة نيرمين خفاجى اللى قعدت مع الاطفال تحكى لهم عن تاريخ التماثيل والممياوات والحقب الزمنية والاسر المختلفة اللى حكمت مصر فى فترات متفرقة مما اذهل الاطفال وادهشهم ووعدناهم بتكرار الرحلة مرة اخرى لاماكن سياحية اخرى .
