مكتبة الكرامة – الزقازيق
مكتبة : كلمة كثير من الاطفال مايعرفوش معناها وده لأن أغلب الأهل هما كمان ميعرفوش معناها.
كتاب : بالنسبة للطفل يعنى كتاب مدرسة أو كتاب خارجى دراسى وبالنسبة للأهل يعنى فلوس بتضيع على الفاضى ومافيش وقت للقراءة.
دى فكرة الناس عن المكتبة والكتاب, حاليا بنحاول نغير الأفكار دى خطوة بخطوة. بنحاول نخلق مساحة محايدة على مسافة واحدة من كل الأتجاهات والأفكار دورها توفير المعرفة وجعلها فى متناول الجميع. بنوضح أن المكتبة مكان بيحتوى الأطفال, مساحة حرة ممكن يطلعوا فيها مواهبهم وتنميتها والأضافة لها. تغير نظرة الطفل للكتاب من عبء عليه إلى نظرة مختلفة تساعد الطفل فى تنمية خياله وتوسيع مداركه ليدخل عالم ملئ بالمغامرات والاحلام. تغير نظرة الاهل لأهمية القراءة ولو تخصيص وقت قليل لها,لا يوجد كتاب لا يضيف لقارئه – حتى لو لم ينل إعجابه – على اسوء تقدير يضيف إليه أنه لا يفضل هذا النوع من الكتب.
المكتبة توفر الخدمات بصورة مجانية وده بيشجع الناس أنها تدخل وتتفاعل معانا وتستفيد من الكتب والأنشطه المتواجدة فى المكان وتعتمد المكتبة على المشاركة المجتمعية.
الأنشطة الموجودة فى المكتبة بالفعل الرسم والموسيقى والأشغال الورقية (أورجامى) والركن الأخضر وسينما للأطفال. المنافسة بين الأطفال فى المسابقات التى تقيمها المكتبة تحثهم على التفكير والأبداع والجوائز المقدمة تعطيهم حافز ودافع على التطور, وبالفعل فية مواهب كتير موجودة فى المنطقة كانت محتاجة المكان اللى يخليها تظهر.
مساكن الزراعة – المنطقة الموجودة بها المكتبة – منطقة عشوائية تقريبا معدومة الخدمات – منطقة منسية – وجود المكتبة فيها ممكن يكون سبب فى تغيير جذرى فى التفكير والسلوك. واحنا بنأسس المكتبة كنا دائما بنتخيل المنطقة بعد سنين من وجودنا فيها هيكون شكلها أزاى, كنا بنتخيل الفرق فى سلوك الاطفال وفى تفكير الأهل, نتمنى أن نرى أحلامنا كلها حقيقة على أرض الواقع .
ايميل الكرامة الزقازيق : [email protected]
