النهاردة الأحد 19\1\2014
يوم أخلاق طفل واللعب بالورق ..
– فى أخلاق طفل اتكلمنا عن ازاى نحقق حلمنا مهما كانت ظروفنا
ازاى نفرح بطفولتنا وبراءتها من غير احباطات او تعقيدات
كلمنا الاطفال عن الظروف الصعبة اللى متقدرش تقف حاجز امام الإرادة القوية
اللى يقرر يبقى كويس مالوش دعوة بالظروف
اللى عاوز يبقى محترم .. هيبقى محترم
اللى عاوز يبقى مهندس ولا مدرس .. هيبقى
اللى عاوزة تبقى مفيدة فى مجتمعنا .. هتبقى
مهما كانت ظروفنا .. مينفعش نبطل حلم
————–
بعد الكلام قرننا نعمل شعار للايجابية والتصميم على تنفيذ الاحلام
عملنا تاج للأطفال
وكل طفل كتب الجملة اللى بيحبها عن الإيجابية
فكرة التاج بسيطة جدا وهى اننا نجيب ورق مقوى ونرسم شكل التاج اللى بنحلم بيه
ونقصه
ونركب فيه خيط أستك
ونلونة
ونكتب الجملة اللى بنحبها وتخلينا دايما فاكرين إننا لينا حق نعيش فى الدنيا بأحلامنا وطموحاتنا مهما كانت بسيطة ..
